ILIMI EHLANGOTHINI LEFUNDOINDIBA YELIMI EFUNDWENI 

IBhodo yamaLimi woKe yeSewula Afrika i-PanSALB izimisele ukwenza okulandelako:

· ukusebenzisa amalimi wendabuko njengamalimi asetjenziswako ekufundeni nekufundiseni okulihlelo elaziwa ngele-LoLT ngokurhunyeziweko;·     iBhodo isekela ukusetjenziswa kwamalimi wendabuko/ilimi lekhaya kwezefundo kusukela ezingeni lefundo yeprayimari beze kufike ezingeni eliphezulu kokugcina kwezefundo;·     iBhodo isekela ukuthuthukisa ukubandulwa kwabafundisi ebizelweni labo lokufundisa begodu isekela  nokwenziwa kweentlabagelo ezirhelebha kwezefundo ngomnqopho wokuthuthukisa izinga lamalimi wemakhaya;·     isekela ukusetjenziswa kwamalimi ngokuhlukana kwawo ngeenkolweni;·     izakusungula amahlelo wekambiso namajima wokusetjenziswa kwamalimi ahlukahlukeneko kwezefundo;·     iBhodo izume ithole amahlangothi wezefundo azakurhelebha adosele ekuthuthukisweni kwamalimi, begodu·     izakusebenza njengomeluleki emNyangweni wezeFundo ehlangothini lokutlanywa kwamapholisi nokuthuthukiswa kwehlelo lekambiso yezefundo njengokwenziwa kwamasilabhasi.

UKUQAKATHEKA NOKUBA NESANDLA KWAMALIMI KWEZEFUNDO

Ilimi kwezefundo liqakathekile ekukhuphuleni nekuthuthukiseni amalimi weSewula Afrika, khulukhulu layo egade agandelelwe ngaphambilini.  I-PanSALB isekela okulandelako:

·  ukuhlonitjhwa, ukukhuphula nokuthuthukiswa kwawo woke amalimi weSewula Afrika, kuqalwe khulu layo ebegade agandelelwe ngaphambilini, lokhu kwenziwa kuqalwe ukusetjenziswa kwamalimi wendabuko eenkolweni begodu kwenziwe namapholisi akhuthaza ukusetjenziswa kwamalimi ahlukeneko wangenarheni;·     iBhodo isekela imiphumela yerhubhululo esele lenziwe eligqizelela ukuqakatheka kokusetjenziswa kwamalimi wemakhaya ekufundeni nekufundiseni (LoLT) ngomnqopho wokuthuthukisa ingqondo yomntwana osakhulako; begodu·     ikhuthaza nomkhumbulo omalungana nokwakha isisekelo esidzimeleleko efundweni esekwe ekukhulisweni kuhle kwengqondo yomntwana.

UKUTHUTHUKISWA KWAMALIMI AHLUKENEKO KWEZEFUNDO

Ipholisi yamaLimi yeSewula Afrika igqizelela ukuqakatheka kokusetjenziswa kwamalimi ngokuhlukana kwawo.  Ukukhuthaza kokusetjenziswa kwamalimi ahlukeneko kwezefundo kufaka hlangana ukusetjenziswa kwamalimi amabili ndawonye kwezefundo.  Ngokusebenzisa ipholisi le, kungatholakala imiphumela elandelako:

· ukurhelebha abantu bona bakghone ukuzirhelebha nokuthuthukisa umuntu ngamunye nemiphakathi ngokuhlukana kwayo;·    ukukhuthaza ituthuko ngokugqizelela ukusetjenziswa kwamalimi weSewula Afrika ngokulinganako, kuqalwe khulu layo malimi egade agandelelwe ngaphambilini;·    ukukhuthaza amajima wokwazisa abantu ngamalungelo wabo kwezamalimi, begodu nokwenza ubujamo obuvumela abantu bona bakghone ukuthola ilwazi neendaba ezihlukeneko ngokulinganako; begodu·    ukukhuthaza ukubumbana kwesitjhaba begodu nokutjheja amasiko ngokuhlukana kwawo kusetjenziswa amalimi.Eqinisweni, ukusetjenziswa kwamalimi ngokuhlukana kwawo kutjhiwo ubujamo lapho amalimi akhulunywa emakhaya athola khona itjhejo njengamalimi wokufunda nokufundisa (LoLT), ilimi elingasi ngelekhaya nalo lingathuthukiswa njengesifundo namkha njengelimi lesibili lokufunda nokufundisa.Umbuso nomNyango wezeFundo basekela ikambiso yokusetjenziswa kwamalimi ahlukeneko.I-PanSALB ithatha ikambiso yokusetjenziswa kwamalimi ahlukeneko njengeqakathekileko ekuthuthukiseni nekukhutjhulweni kwamalimi woke weSewula Afrika, kuqalwe khulu layo ebegade agandelelwe ngaphambilini, ilimi lokukhuluma ngezandla/ngamatshwayo begodu nelimi lamaKhoe, amaSan nelamaNama. Njengombana ilimi likghona ukuqaba ukuthintana kwabantu abahlukeneko ngokwendabuko, i-PanSALB ikholelwa ekutheni ukukhuthaza ukusetjenziswa kwamalimi ahlukeneko ngikho okungarhelebha ukuthuthukisa ukuthintana hlangana nabantu abahlukako ngendabuko.

IFORAMU YOKUKHULUMISANA YABOTITJHERE/ABAFUNDISI

·  IForamu izakusebenza njengeplatifomo yabafundisi yokuqongelana ngelwazi nemibono emalungana nebizelo labo. ·    Izakurhelebha ukuvala isikhala esikhona hlangana nabo abafundisi begodu iphelise nomraro wokuba bokomo idla yodwa okukhona hlangana nabotitjhere/abafundisi.·    IForamu le izakukhuthaza irhabise irhubhululo nabafundi nabotitjhere/abafundisi.·    Iforamu le izakukhuthaza ukuqongelana ngeendlela zokufundisa ngaphasi kobujamo lapho kusetjenziswa khona amalimi ahlukeneko kiyo yoke ikambiso yezefundo.·    Umoya wokuphandluluka kwabantu uzakubonakala ngokuqongelana ngemibono okuzakukhuthazwa kusetjenziswa kwamalimi ngokuhlukana kwawo.·    Ukubakhona kweforamu kuzakukhambisana nomkhumbulo wokwenza izinto zeneke.·    Ukubumbana kuzakuletha ukusungulwa kwamaForamu wabaFundi, engakghona ukukhula beyilethe ukuthintana hlangana kwabafundi ephasini zombelele (Learners’ multilingual chat corner).

IRHUBHULULO NETUTHUKO

Irhubululo netuthuko (imitlolo edzujulwako, imininingwana yezokuthintana nokuthintana).Amahlelo asele aphelile 1.   Learner’s perception of the teaching and learning of isiXhosa first language in the Eastern and Western Cape High School       (Imibono yabafundi malungana nokufundisa nokufundwa kwesiXhosa njengelimi lokuthoma eEastern neWestern Cape High School’) ngo G. Barkhuizen.Umnqopho womuntu owenze irhubhululweli bekukuthola bona yini ebangela abafundi bangaphumeleli kuhle namkha bangabi netjisakalo yokusebenzisa amalimi wesintu. (Gandelela ikunupe nangabe udinga ilwazi elithabaleleko.)2.   The bilingual (English/Lesotho sa Leboa) collection of 12 past Physical Science matriculation question papers and their solutions (Ukusetjenziswa kwamalimi amabili (iEnglish/Sesotho sa Leboa) ukubuthelelwa kwamaphepha wemibuzo ay 12 wesikhathi esidlulileko wesifundo se-Physical Science ezingeni lebanga letjhumi neempendulo zakhona) ngo  P.T.Pare.Imiphumela yakhona ifanele iveze bona kghani umsebenzi wesikolo womfundi ukhombisa ukuba ngcono asebenzisa ilimi elinye ngaphandle kwesiNgisi loka nakubuyekezwa umsebenzi wesikolo. (Gandelela ikunupe nangabe udinga ilwazi elithabaleleko.)

3.   The Breakthrough to Literacy, Grade 2 and 3 (Ipumelelo yokukghona ukufunda, Grade 2 no 3) ngo Molteno Project.Ngehlelweni kunqotjhwe ukuthuthukisa iinsetjenziswa zezefundo zabafundi be-Grades 2 no 3.  Iinsetjenziswa zezefundo zithuthukisa ukusetjenziswa kwamalimi wekhaya namkha ukusetjenziswa kwamalimi amabili ekufundiseni.  I-MacDonald baseline yokuhlolisisa nombiko ukhombisa ukuba mthombo oqakathekileko welwazi kilabo abaqalene nomsebenzi wokusungula iinsetjenziswa zezefundo. (Gandelela ikunupe nangabe udinga ilwazi elithabaleleko.)4.Grade 1 Mother tongue Literacy project (I-Grade 1 IHlelo  lokuFundiswa ngeLimi leKhaya) ngo  SAILI Project.Ihlelo letuthuko leli linqophe ukusungula isisekelo esidzimeleleko kweze-mathemetics, inikela abotitjhere amakghono wokufundisa abafundi ukufunda begodu nokukghona ukuqalana neenkumba zokufundela lapho kusetjenziswa khona amalimi ahlukeneko (bi-literacy).
(Gandelela ikunupe nangabe udinga ilwazi elithabaleleko.) 

    
Amahlelo asaragwako 1.Dual medium Schools Programme  (IHlelo elimalungana nokuseTjenziswa kwamaLimi amaBili ngeenKolweni) ngo P. Plüddemann.Umnqopho werhubhululweli kukulwa nomkhumbulo esele usabalele inarha yoke le othi isiNgisi ngiso kwaphela ilimi elilungele zefundo. (Gandelela ikunupe nangabe udinga ilwazi elithabaleleko.)2.An investigation of the possible effects of English education on Home language competence (Ukuhlolisisa bona ukufundisa ngesiNgisi kukhinyabeza kangangani ukufundisa ngamalimi wekhaya) ngo S. Suzman.Umnqopho werhubhululweli kuhlolisisa bona ukufundisa ngesiNgisi kukhinyabeza kangangani ukufundisa abantu ngamalimi wekhabo ku-Grade 5. (Gandelela ikunupe nangabe udinga ilwazi elithabaleleko.)

IRHERHO LEZEHLAKALO