LELEME THUTONGKAROLO YA LELEME THUTONG PanSALB e ikemišeditše go:

• go godiša go dirišwa ga maleme ao a lego tlase bjalo ka maleme a go ithuta le go ruta [Language of Learning and Teaching (LoLT)];

• go thekga kakanyo ya thuto ya leleme la ka gae go tloga legatong la praemare go ya go le phagamego la thuto;

• go thekga tšwelopele ya barutiši mošomong wa bona le go tšweletša didirišwa bakeng sa go iša maleme ao a lego tlase boemo bja godimo;

• go godiša go bolelwa ga maleme a fapanego dikolong;

• go tšweletša ditsela le masolo bakeng sa thuto ya maleme a fapanego;

• go lemoga ditikologo ka leleme thutong, e lego seo se tla lebišago tšwelopeleng e nngwe ya leleme; le

• go hlankela bjalo ka molemoši go Lefapha la Thuto go ditaba tša kwano le tšwelopele ya lenaneothuto.

BOHLOKWA LE DITLA-MORAGO TŠA LELEME THUTONG

Leleme thutong le bohlokwa go kgodišo le tšwetšopele ya maleme a Afrika Borwa, gagolo maleme ao a bego a tshedišwa mahlo nakong e fetilego.   PanSALB e thekga:

• go lemogwa, godišwa le tšwetšopele ya maleme ka moka a Afrika Borwa, gagolo ao a bego a tshedišwa mahlo nakong e fetilego, ka baka la tlhahlo ya ka gae le kwano ya maleme a fapanego;

• tšeo di hweditšwego nyakišišong go fihla gabjale e lego tšeo di gatelelago bohlokwa bja leleme la ka gae  e le leleme la go ithuta le go ruta (LoLT) bakeng sa tšwelopele ya moloko wa nakong ya mengwaga ya go bopša; le

• go nagana mo go šišinyago gore motheo o tiilego bakeng sa go ithuta o theilwe go tswalano ya ka pele ya tšwelopele.

MALEME A FAPANEGO THUTONG

Kwano ya Afrika Borwa ya leleme e bontšha boemo bjo bo tiilego go bolelweng ga maleme a fapanego.  Thuto ya maleme a fapanego e akaretša mpho ya thuto e šomago ya maleme a mabedi. Ka go diriša kwano ye, go tla feleletša ka dilo tše latelago:

• matlafatšo le tšwelopele ya bosetšhaba ya motho ka noši le ditikologo tša lefelo leo;

• go gatelelwa ga tšwelopele ke kgodišo ya tirišo e swanetšego ya maleme a semmušo Afrika Borwa, le go gatelela mo go kgethegilego ga maleme ao nakong e fetilego a bego a tshedišwa mahlo;

• temošo e oketšegilego lesolong la ditokelo tša leleme, gotee le go fihlelela tsebo le phihlelo ka tsela e lekanago go badudi ka moka; le

• koketšego go maikutlo a botee bja setšhaba le bohlokwa bja ditšo tše fapanego tšeo di hlaloswago ka maleme a fapanego.

Ka tsela e šomago go bolelwa ga maleme a fapanego go bolela gore, ge leleme la ka gae le išwa godimo bjalo ka leleme la go ithuta le go ruta [language of learning and teaching (LoLT),] leleme le lengwe gape la bobedi le swanetše go tšwetšwa pele sammaletee e ka ba ka thuto e ithutwago feela goba bjalo ka leleme la bobedi la go ithuta le go ruta.Mmušo le Lefapha la Thuto di thekga go šetša mo go oketšegilego ga go bolelwa ga maleme a fapanego.PanSALB e lebelela go bolelwa ga maleme a fapanego bjalo ka selo sa bohlokwa bakeng sa tšwetšopele le kgodišo ya maleme a semmušo a Afrika Borwa, kudu-kudu ao a bego a tshedišwa mahlo nakong e fetilego, leleme la Diatla la Afrika Borwa gotee le maleme a se-Khoe, Serwana le se-Nama. Ka ge phaphano ya leleme e fetoga mollwane poledišanong ya merafo, PanSALB e dumela gore kgodišo e matla ya go bolelwa ga maleme a fapanego ke sedirišwa se rategago kudu bakeng sa go fihlelela poledišano. 

LEKGOTLA LA THERIŠANO LA BARUTIŠI 

• Lekgotla le tla bopša bjalo ka sethala sa barutiši bakeng sa go abelana tsebo le dikakanyo.

• E tla thuša go fediša sekgoba seo se lego magareng ga barutiši le go fediša maikutlo a go arolwa magareng ga mathetšhere.

• E tla kgothaletša le go hlohleletša nyakišišo magareng ga diithuti ka botšona gotee le barutiši.

• Go arolelana ga mekgwa ya go ruta tikologong ya maleme a fapanego go kgabaganya lenaneothuto e tla kgothaletšwa ke go šoma ga yona.

• Moya wa tsošološo wo o bontšhwago ke go arolelana ga dikgopolo e swanetše go godišwa ka go bolelwa ga maleme a fapanego.

• Go ba gona ga lekgotla go tla kgontšha kgopolo ya go kopantšha gore e dirišwe.

• Go kopantšha go tla godiša go bopša ga Lekgotla la Baithuti, e lego leo le ka golago go ba network ya lefase ka bophara (Lefelo la poledišano la Baithuti la maleme a fapanego).

NYAKIŠIŠO LE TŠWELOPELE

Nyakišišo le tšwetšopele (dikakaretšo, ditaba tša go ikgokaganya le dikgokagano).Diprojeke tšeo di Phethilwego

• Kwešišo ya moithuti ya go ruta le go ithuta se-Xhosa bjalo ka leleme la pele Dikolong tše Phagamego tša Kapa Bohlaba le Bodikela ka G. Barkhuizen.

Boikemišetšo bjo bogolo bja monyakišiši e be e le go utolla sebaki sa go dirišwa mo go sa kgahlišego le go hloka kgahlego malemeng a Afrika. (Kgotla bakeng sa boitsebišo bjo bo oketšegilego.)

• Kgoboketšo ya maleme a mabedi (Seisemane/Sesotho sa Leboa) ya dipampiri tša dipotšišo tše di fetilego tše 12 tša Physical Science tša matriki le dikarabo tša tšona ka P.T.Pare.

Tšeo di hweditšwego di swanetše go bontšha ge e ba morutwana a kaonafaditše ka baka la go dirišwa ga leleme le lengwe ka ntle ga Seisemane bakeng sa pušeletšo. (Kgotla bakeng sa boitsebišo bjo bo oketšegilego.)

• Go fihlelela ka dingwalwa, Grata ya bobedi le ya boraro ka Projeke ya Molteno.

Projeke ye e ikemišeditše ka didirišwa tša tšwelopele bakeng sa di-Grata tša 2 le 3.  Didirišwa tša tšwelopele di godiša leleme leo le dirišwago ka gae goba/la bobedi bakeng sa tlhahlo e magareng. Motheo wa MacDonald wa tekanyetšo le pego o ipontšha e le boitsebišo bjo bohlokwa bakeng sa batšweletši ba didirišwa. (Kgotla bakeng sa boitsebišo bjo bo oketšegilego.)4.       Projeke ya Dingwalwa ya Leleme la ka Gae ya Grata ya 1 ka Projeke ya SAILI.Projeke ye ya tšwetšopele e ikemišeditše go thea motheo o tiilego bakeng sa kwešišo ya moithuti ya kgopolo ya dipalo, go hlama barutiši ka bokgoni bja go ruta go bala le go lebeletšana le diphaphoši tša maleme a fapanego (Dingwalwa tša maleme a mabedi).

(Kgotla bakeng sa boitsebišo bjo bo oketšegilego.)Diprojeke tšeo di tšwelago pele1.       Mananeo a Dikolo ka Bobedi tša Magareng ka P. Plüddemann.Boikemišetšo bja nyakišišo ke go lwantšha tumelo e phatlaletšego ya gore Seisemane ke lona feela leleme leo le lego bohlokwa bakeng sa thuto. (Kgotla bakeng sa boitsebišo bjo bo oketšegilego.)2.       Nyakišišo ya ditla-morago tše kgonegago tša thuto ya Seisemane ge e phadišana le leleme la ka Lapeng ka S. Suzman.Nyakišišo e ikemišeditše go lekanya ditlamorago tša Seisemane ge se phadišana le leleme la ka Lapeng go Grata ya 5. (Kgotla bakeng sa boitsebišo bjo bo oketšegilego.)

KHALENDARA YA DITIRAGALO