LULWIMI KUTEMFUNDVOUMSEBENTI WELULWIMI KUTEMFUNDVO IPanSALB ihlose:

• kwenyusa kusetjentiswa kwetilwimi letisisekelo njengetilwimi tekufundza nekufundzisa (LoLT);

• kwesekela umcondvo wekusetjentiswa kwelulwimi lolumunywe kumake/lwasekhaya kusukela esigabeni lesincane kute kufike esigabeni lesisetulu kutemfundvo;

• kwesekela kutfutfukiswa kwebafundzisi ebucwephesheni babo kanye nekutfutfukisa tinsita kute kutfutfukiswe simo setilwimi letincane;

• kuphakamisa kusetjentiswa kwetilwimi letinyenti etikolweni;

• kutfutfukisa emasu kanye nemikhankaso yemfundvo yetilwimi letinyenti;

• kukhomba lapho kungasetjentiswa khona tilwimi kutemfundvo, lokutawuholela ekuchutjekisweni kwekutfutfukiswa kwelulwimi, futsi

• isebente njengemtimba wekweluleka liTiko leTemfundvo ngetindzaba letiphatselene nenchubomgomo kanye nekutfutfukiswa kweluhlelotimfundvo (ikhurikhulami)

KUBALULEKA KANYE NEMPHUMELA WELULWIMI KUTEMFUNDVO

Lulwimi kuTemfundvo lungumnyombo ekwenyusweni kanye nasekutfutfukisweni kwetilwimi taseNingizimu Afrika, ikakhulukati letilwimi lebetibandluluwa ngaphambilini.  IPanSALB yesekela:

• kuhlonishwa, kwenyuswa nekutfutfukiswa kwato tonkhe tilwimi taseNingizimu Afrika, ikakhulukati leti betibandluluwa ngaphambilini,  ngekusetjentiswa kwelulwimi lwasekhaya nangenchubomgomo yetilwimi;

• imiphumela yelukhetfo lolwentiwe kute kube kunyalo lugcizelela ngekubaluleka kwelulwimi lwasekhaya njengelulwimi lwekufundza nekufundzisa (LoLT) ngekukhulisa umntfwana lomncane ngeminyaka yekucala esikolweni; futsi

• nemcabango lotsi sisusa lesicinile ekufundzeni sisuselwa ebuncaneni lobukahle.

KUSETJENTISWA KWETILWIMI LETINYENTI KUTEMFUNDVO

Inchubomgomo yetiLwimi yaseNingizimu Afrika ikhombisa kutibophelela lokukhulu ngekusetjentiswa kwetilwimi letinyenti.  Imfundvo yetilwimi letinyenti iletsa kuphakelwa kwemfundvo yetimfundvo letimbili ngendlela lesebentako.  Ngekusebentisa lenchubomgomo, loku lokulandzelako kumele kwenteke:

• kuhlonyiswa nekutfutfukiswa kwavelonkhe kwebantfu labanyenti kanye nemiphakatsi;

• kuphutfumiswa kwentfutfuko ngekwenyuswa kwekusetjentiswa ngalokulinganako kwato tonkhe tilwini eNingizimu Afrika, ngekubuka kakhulu letilwimi lebetibandlululwa ngaphambilini;

• kwatisa lokwengetiwe emkhankasweni wemalungelo elulwimi, kanye nekufinyelela lokulinganako kulwati nakumniningwano kuto tonkhe takhamiti; futsi

• kukhula ngeluvo lwelubumbano lwavelonkhe kanye nekubaluleka kwemasiko lamanyenti lokubonakaliswa ngekusetjentiswa kwetilwimi letinyenti.

Ngelicinisa kusetjentiswa kwetilwimi kusho kutsi, nanobe lulwimi lwasekhaya lubekwa embili njengelulwimi lwekufundza nekufundzisa (LoLT), lulwimi lolungetiwe lwesibili kumele lutfutfukiswe ngakancane njengesifundvo nobe njengelulwimi lwekufundza nekufundzisa lwesibili.Hulumende kanye neliTiko leTemfundvo wesekela indlela leyengetiwe ekusetjentisweni kwetilwimi letinyenti.IPanSALB itsatsa kusetjentiswa kwetilwimi letinyenti njengentfo lebalulekile ekutfutfukisweni nasekwenyusweni kwato tonkhe tilwimi eNingizimu Afrika, ikakhulukati leti betibandlululwa ngaphambilini, lulwimi lwemaSayini lwaseNingizimu Afrika kanye nesiKhoe, siSan kanye nesiNama. Njengobe kwehlukahlukana kwetilwimi kuba sivimba ngekuchumana ngekwemasiko lahlukene, iPanSALB yetsemba kutsi kuphakamisa lokuphapheme indlela leyetsandzekako lekungatfolwa ngayo indlela yekuchumana.

 INKHUNDLA YETINKHULUMO TEBAFUNDZISI 

• Umhlangano utawakhiwa njengesitepisi sebafundzisi kutsi babelane lwati lwebucwepheshe kanye nemibono.

• Utawusita ekuvaleni lesikhala phakatsi kwebafundzisi futsi ucedze umoya wekwahlukaniswa kubafundzisi.

• Utawugcugcutela futsi uvuse emandla ekwenta luphenyo kubafundzi nebafundzisi labehlukene.

• Kwabelana tindlela tekufundzisa kusimondzawo setilwimi letinyenti kulo lonkhe luhlelotimfundvo kutawugcugcutelwa ngulenkhundla.

• Umoya wekuvuselela lochazwe kuntjintjiselwana kwemibono kufanele uphakanyiswe ngekusetjentiswa kwetilwimi letinyenti.

• Kuba khona kwalenkhundla kutawenta kutsi umcondvo wekubambana usebente.

• Kubambana kutawuvuselela kwakhiwa kweNkhundla yeBafundzi, lengakhula ibe luchungechunge lwemhlaba (Learners’ multilingual chat corner).

LUPHENYO NENTFUTFUKO

Luphenyo nentfutfuko (ticephu, imininingwano yekuchumana nekuhlanganisa).Imiklamo leseyentiwe

• Learner’s perception of the teaching and learning of isiXhosa first language in the Eastern and Western Cape High School’ by G. Barkhuizen.

Inhloso lenkhulu yeluphenyo bekukutfola imbangela yekungasebenti kahle kanye nekungabi nelutsandvo lwetilwimi tase-Afrika. (klika uma ufuna lwati lolunyenti.)

• The bilingual (English/Lesotho sa Leboa) collection of 12 past Physical Science matriculation question papers and their solutions by P.T.Pare.

Imiphumela kumele ivete ebaleni kutsi kusebenta kwemntfwana kutfutfukile ngenca yekusetjentiswa kwelulwimi ngaphandle kweSingisi sekubuyeketa. (klika uma ufuna lwati lolunyenti.)

• The Breakthrough to Literacy, Grade 2 and 3 by Molteno Project.

Lomklamo uhlosiswe kutfutfukisa tinsita temaBanga 2 na 3.  Tinsita letitfutfukisiwe tiphakamisa lulwimi lwasekhaya futsi/nobe kusebentisa tilwimi letimbili.  Umugca losisekelo waMacDonald baseline (MacDonald baseline) wekuhluta kanye nembiko ufakazela kuba ngumniningwano lobalulekile kubatfutfukisi betinsita. (klika uma ufuna lwati lolunyenti.)4.       Grade 1 Mother tongue Literacy project by SAILI Project.Lomklamo wekutfutfukisa uhlose kusungula sisekelo lesizindzile kuko kuvisisa kwemfundzi kwetibalo, kuhlomisa bafundzisi ngemakhono ekufundzisa kufundza futsi nekusebenta netindlu tekufundzela letisebentisa tilwimi letinyenti (bi-literacy).
(klika uma ufuna lwati lolunyenti.)Imiklamo leyentiwako1.       Dual medium Schools Programme by P. Plüddemann.Ihloso yeluphenyo kulwa nemcondvo lowandzile wekutsi Singisi ngulo kuphela lulwimi lolubalulekile kutemfundvo. (klika uma ufuna lwati lolunyenti )2.       An investigation of the possible effects of English education on Home language competence by S. Suzman.Luphenyo luhlose kuhlola imiphumela yeSingisi ngemandla elulwimi lwasekhaya kuSigaba Grade 5. (klika uma ufuna lwati lolunyenti )

IKHALENDA YEMISITFO