RIRIMI EKA DYONDZONTIRHO WA RIRIMI EKA DYONDZO

PanSALB yi kunguhata leswi landzelaka:

• Ku tlakusa ku tirhisiwa ka tindzimi ta le kaya eku dyondzeni ni le ku dyondziseni (LoLT);
• Ku seketela makungu yo tirhisa ririmi ra manana/ra le kaya eka tilevhele hinkwato ta dyondzo;
• Ku seketela ku hluvukisiwa ka vadyondzisi eka ntirho wa vona ni ku tumbuluxa matsalwa ku tlakusa xiyimo xa tindzimi ta le kaya;
• Ku tlakusa tindziminyingi eswikolweni;
• Ku tumbuluxa switirateji ni mapfhumbha swo tlakusa dyondzo hi tindziminyingi;
• Ku lavisisa tindlela leti ririmi eka dyondzo ri nga hluvukisiwaka xiswona;
• Ku tirha tani hi mutsundzuxi eka Ndzawulo ya Dyondzo mayelana ni timhaka ta pholisi ni nhluvukiso wa kharikhulamu.

NKOKA NI NKUCETELO LOWU RIRIMI RI NGA NI WONA EKA DYONDZO

Ririmi eka dyondzo I mhaka ya nkoka swinene eka ku kurisa no hluvukisa tindzimi ta Afrika-Dzonga, ngopfu-ngopfu tindzimi leti khale a ti tsan’wiwa. PanSALB yi seketela leswi landzelaka:

• Ku tekela enhlokweni, ku kurisa no hluvukisa tindzimi hinkwato ta Afrika-Dzonga, ngopfu-ngopfu leti khale a ti tsan’wiwa hi ku tirhisa ririmi ra le kaya eku dyondziseni no dyondza ni hi ku tirhisa pholisi ya tindziminyingi;
• Mimbuyelo ya mindzavisiso leyi se yi endliweke leyi tshikelelaka nkoka wa ririmi ra le kaya tani hi ririmi ro dyondza no dyondzisa (LoLT) ku aka vutlharrhi eka n’wana eka malembe ya le kusunguleni, ni
• Mianakanyo ya leswaku masungulo yo tiya eka dyondzo ya va kona hikwalaho ka masungulo lamanene yo aka vutlharhi eka n’wana.

TINDZIMINYINGI EKA DYONDZO

Pholisi ya ririmi ya Afrika-Dzonga yi seketela ngopfu mhaka ya tindziminyingi. Dyondzo hi ku tirhisa tindziminyingi swi katsa ni ku tirhisa tindzimi timbirhi eka dyondzo hi ndlela leyinene. Ku tirhisiwa ka pholisi leyi ku ta vanga leswi landzelaka:

• Ku hluvukisa vaaki hi ku angarha ni hi un’we un’we;
• Ku ndlandlamukisa nhluvuko hi ku tlakusa ku tirhisiwa ka tindzimi hinkwato ta Afrika-Dzonga hi ku ringana ku ri karhi ku kongomisiwa ngopfu eka tindzimi leti khale a ti tsan’wiwa;
• Ku andzisa mapfhumba yo tivisa vanhu hi timfanelo ta vona ta ririmi ni ku fikeleleka hi ku olova ka vutivi hi vaaki va Afrika-Dzonga hinkwavo;
• Ku andzisa vutitwi bya vun’we eka rixaka ni nkoka wa mindhavuko yo hlaya leyi humeseriwaka ehandle hi ku tirhisiwa ka tindziminyingi.

Tindziminyingi swi vula leswi kombisiweke laha henhla. Loko ririmi ra le kaya ri ri rona ra nkoka eka ku dyondza ni ku dyondzisa (LoLT),ririmi ra vumbirhi ri fanele ku hluvikisiwa tani hi ririmi leri ngo dyondziwa kumbe ririrmi ra vumbirhi ro dyondza no dyondzisa hi rona.Mfumo ni Ndzawulo ya Dyondzo va susumeta maendlelo yo dyondzisa hi tindziminyingi.PanSALB yi vona tindziminyingi yi ri mhaka ya nkoka swinene eka ku hluvukisa ni ku antswisa tindzimi ta ximfumo eAfrika-Dzonga, ngopfu-ngopfu tindzimi leti khale a ti tsan’wiwa, ririmi ra mavoko ra Afr4ika-Dzonga, Khoe na San xikan’we na tindzimi ta Nama.Tani hilaha ku hambana ka tindzimi swi vaka xirhalanganyi eka mbulavurisano hi vanhu va tinxaka to hambana, PanSALB yi ni ku tshembha leswaku ku tlakusiwa ka tindziminyingi I ndlela ya kahle yo pfuna leswaku ku va ni mbulavurisano hi ndlela leyinene exikarhi ka vanhu.

FORAMU YA MBHURISANO YA VADYONDZISI 

• Foramu yi ta va xitirhi xo va vadyondzisi va kota ku pfunana hi miehleketo ni ku hundziselana vutivi.
• Yi ta pfuna ku hlanganisa vadyondzisi ni ku hunguta mhaka yo va vadyondzisi va tirha ha un’we un’we handle ko hlangana ni van’wana.
• Yi ta khutaza ku endliwa ka ndzavisiso hi swidyondzeki ni vadyondzisi.
• Foramu leyi yi ta andzisa ku va ni ku dyondzisana exikarhi ka vadyondzisi mayelana ni tindlela ta madyondzisele lama nga tirhisiwaka eka tindhawu leti ku tirhisiwaka tindziminyingi.
• Moya wa mpfuxelelo lowu vumbiwaka hi ku cincana hi miehleketo wu fanele ku andzisiwa hi ku tirhisa tindziminyingi.
• Ku vumbiwa ka foramu swi ta endla leswaku ku va ni ntirhisano exikarhi ka mathicara.
• Ntirhisano lowu wu ta endla leswaku ku va ni foramu ya vadyondzi, leyi nga kulaka ku kota ku katsa vadyondzi va misava hinkwayo (laha vadyondzi va tindzimi to hambana-hambana va nga kotaka ku burisana hi timhaka ta nkoka to hambana-hambana).

NDZAVISISO NI NHLUVUKISO

Ndzavisiso ni nhluvukiso (minkomiso, vuxokoxoko byo tihlanganisa ni lava khumbhekaka).Tiphurojeke leti hetiweke

1. Mavonele ya vadyondzi mayelana ni madyondzele ni madyondzisele ya Xixhosa tani hi ririmi ro sungula eswikolweni swa le henhla swa Kapa-Vuxa ni Kapa-Vupeladyambu hi G.Barkhuizen.

Xikongomelo-nkulu xa ndzavisiso a ku ri ku kuma xivangelo xo tsandzeka ka vana ku humelela ni ku pfumaleka ka ntsakelo eka tindzimi ta Xintu (tlilika ku kuma mahungu hi xitalo)

2. Nhlengeleto wa maphepha ya xikambelo lama tsariweke hi Xisuthu xa Lebowa ya 12 ya fisika ya ka ntangha khume ya nkarhi lowu nga hundza ni tinhlamulo ta kona hi P.T. Pare

Mbuyelo wu fanele ku humesela kahle erivaleni loko ku humelela ka vadyondzi ku antswisiwile hikwalaho ka ku tirhisa ririmi rin’wana handle ka Xinghezi eku endleni ka mpfuxelelo (tlilika ku kuma vuxokoxoko).

3. Ku nghenelela eka Litheresi, Giredi ya 2 na 3 hi phurojeke ya Molteno

Phurojeke leyi yi kongomisa eka ku antswisa matsalwa ya Giredi ya 2 na 3. Matsalwa lawa ya antswisiweke ya tlakusa madyondzisele hi tindzimi timbirhi/ririmi ra manana. Masungulo ya nkambelo ni xiviko swa MacDonald swi tikomba swi ri swa nkoka swinene eka vatumbuluxi va matsalwa (tlilika ku kuma vuxokoxoko).

4. Phurojeke ya Litheresi ya Ririmi ra Manana ya  Giredi ya 1 hi phurojeke ya SAILI

Phurojeke leyi yi kongomisa eka ku vumba masungulo yo tiya ya mudyondzi wun’wana ni wun’wana eka ku twisisa ka tinhlayo, ku haverisa vadyondzisi hi ntokoto wo dyondzisa ku hlaya ni ku dyondzisa eka titlilasi ta tindziminyingi (litheresi ya tindzimi timbirhi). (tlilika ku kuma vuxokoxoko)Tiphurojeke leti nga ku endliweni 

1. Phurogireme ya swikolo leswi dyondzisaka hi tindzimi timbirhi  hi P. Pluddemann.

Xikongomelo xa ndzavisiso I ku herisa mianakanyo ya leswa Xinghezi hi rona ririmi ri ri roxe leri nga ni nkoka eka dyondzo. (Tlilika ku kuma vuxokoxoko).

2. Ndzavisiso wa leswi dyondzo hi Xinghezi yi nga swi endlaka eka vuswikoti bya ririmi ra le kaya  hi S. Suzman.

Ndzavisiso wu kambisisa nkucetelo lowu Xinghezi xi nga na wona eka vuswikoti bya matirhisele ya ririmi ra le kaya eka Girei ya 5. (Tlilika ku kuma vuxokoxoko).

KHALENDARA YA MIGINGIRIKO